Эгемендүүлүк күнүн жана Кара-Кыргыз автономиялуу облусунун түзүлгөндүгүнүн 100 жылдыгын Ала-Тоо аянтында 80 миңден ашуун адам белгилешти. Бул тууралуу 1-сентябрда Бишкек шаардык ички иштер башкы башкармалыгынын басма сөз кызматы билдирди.
Борбор калаадагы массалык майрамдык иш-чараларда коопсуздукту 5 миңдей милиция кызматкери камсыздады.
Борбор калаадагы майрамдык иш-чара түнкү саат 02.00дө аяктап, кылмыштуу окуялар катталган жок.
Иш-чаранын жүрүшүндө 501 бала жоголуп, бардык балдар милиция кызматкерлери тарабынан ата-энелерине аман-эсен өткөрүлүп берилди.
Коомдук тартипти бузгандарга чара көрүлдү.
Биздин Телеграм каналга катталыңыз