Бүгүн, 24-февралда, Египеттин Александрия шаарында өтүп жаткан грек-рим, эркин жана кыз-келиндер күрөшү боюнча Ibrahim Moustafa мелдешинде, алты кыргызстандык спортчу күрөшөт. Бул тууралуу Маданият, маалымат, спорт жана жаштар саясаты министрлиги билдирди.
Мелдеш 23-февралда башталган, 26-февралда жыйынтыкталат. Турнирдин экинчи күнүндө грек-рим күрөшүнөн Нуржигит Кенешбек уулу, Ырыскелди Максатбек уулу, Акылбек Талантбеков жана кыз-келиндер күрөшүнөн Айсулуу Тыныбекова, Мээрим Жуманазарова, Айпери Медет кызы таймашка чыгат.
Алдын ала раунддун беттештери саат 14:30да башталат.
Грек-рим күрөшү
72 кг
1/8 финал
Нуржигит Кенешбек уулу — Отар Абуладзе (Грузия)
77 кг
1/8 финал
Юрий Тилимадзе (Грузия) — Ырыскелди Максатбек уулу
82 кг
1/4 финал
Акылбек Талантбеков — АбдАлкарим Акалиде (Алжир)
Кыз-келиндер күрөшү
62 кг
1/8 финал
Амелин Дуарте (Франция) — Айсулуу Тыныбекова
68 кг
1/8 финал
Жулиана Васильева Янева (Болгария) — Мээрим Жуманазарова
76 кг
1/8 финал
Фрэнси Ридель (Германия) — Айпери Медет кызы
Биздин Телеграм каналга катталыңыз