Бишкекте эки адамды мыкаачылык менен сабагандарды жашырууга шектелип камакка алынган эки милиция кызматкери 2-ноябрга чейин үй камагына чыгарылды. Мындай чечимди Биринчи май райондук соту 8-сентябрда чыгарганын райондук соттун басма сөз кызматы кабарлады.
Эки адамдын мыкаачылык менен сабалышы боюнча Ички иштер министрлиги кызматтык иликтөө жүргүзүп, 3 милиция кызматкерин жумуштан бошотуп, айрымдарына кылмыш ишин козгогон.
Мушташты жаап жашырууга шектелген эки милиция кызматкери 6-сентябрда Улуттук коопсуздук мамлекеттик кемитетине суракка чакрылып, андан соң УКМКнын тергөө абагына киргизилген.
Ал эми кылмышка шектүүлөр Жаныбек Бапышов менен Калысбек Сейитбеков 6-сентябрда кармалган. Свердлов райондук соту аларды эки айга тергөө абагына камоо чечимин чыгарган.