Чүйдүн Маевка айылында эки адамдын өмүрүн алган жол кырсыгын жасаган ИИМдин Ички аскерлеринин кызматкери камакка алынды. Бул тууралуу Reporter.kg’ге Башкы прокуратурадан билдиришти.
Маалыматка караганда, аталган кызматкер Бишкек гарнизонунун камак жайына камалган. Учурда бул окуя боюнча кылмыш ишин Аскердик прокуратура тергөөдө.
Эскерте кетсек, 5-июлда болжол менен саат 22:00до Маевка айылында Mercedes-Benz унаасынын айдоочусу эки адамды сүзүп кетип, алар ооруканада каза тапкан. Жол кырсыгын жасаган айдоочу окуя учурунда мас абалында болгону, ИИМдин Ички аскерлеринин кызматкери экени белгилүү болгон.
Аскер кызматкери мас абалда сүзүп кеткен 2 адам көз жумду (видео)
Биздин Телеграм каналга катталыңыз