Жакынкы эки жылда Ооганстандын Кичи жана Улуу Памиринде жашаган этникалык кыргыздардын 400 үй-бүлөсү Кыргызстанга көчүрүлөт. Бул тууралуу Эмгек, социалдык коргоо жана миграция министри Кудайберген Базарбаев маалымат жыйынында билдирди.
Анын айтымында, жалпысынан 2022-2024-жылдар аралыгында 1500 адамды көчүрүү пландалууда. Аларга Ош облусунун Чоң-Алай районунун Кашка-Суу айыл аймагынан 70 гектар жер бөлүнгөн.
«Ал жерде мигранттар үчүн жаңы үйлөр курулат. 2022-жылга 30 үйдүн курулушуна 77 млн 220 миң сом бөлүнгөн», — деди министр.
Бул максаттарга жалпысынан 244 миллион 530 миң сом керектелет.