Каныбек Иманалиев билим берүү жана илим министринин милдетин аткаруучу болуп дайындалды. Бул тууралуу президенттин басма сөз кызматы билдирди.
Маалыматка караганда, тиешелүү жарлыкка Садыр Жапаров кол койгон.
«Конституциянын 70-беренесинин 1-бөлүгүнүн 2-пунктуна ылайык, Иманалиев Каныбек Капашович билим берүү жана илим министринин милдетин аткаруучу болуп дайындалды», — деп айтылат маалыматта.
Каныбек Иманалиевдин талапкерлиги КР билим берүү жана илим министринин кызматына дайындоо үчүн Жогорку Кеңешке макулдашуу үчүн киргизилет.
Иманалиев Жогорку Кеңештин V жана VI чакырылыштарынын депутаты болгон. 2021-жылы президенттик шайлоого талапкерлигин койгон.
Президенттин башка жарлыгы менен Уланбек Мамбетакунов билим берүү жана илим министри кызматынан бошотулду.
Биздин Телеграм каналга катталыңыз