Бүгүн, 18-апрелде Бишкек шаарынын Биринчи май райондук сотунда мурдагы депутат Руслан Чойбековдун иши каралды.
Отурумга күбөлөр келбегендиктен сот иши 12-майга жылдырылды.
Чойбеков журналисттерге иши боюнча комментарий берүүдөн баш тартты.
Эскерте кетсек, Руслан Чойбеков 2021-жылы 16-сентябрда алдамчылыкка шектелип кармалган. УКМК билдиргендей, экс-депутат 2020-жылдагы Жогорку Кеңештин депутаттыгына шайлоо учурунда мандат үчүн 300 миң доллар алган. Ага каршы арызды акча бергенин айткан адам жазган.
Чойбековдун бөгөт чарасы 2021-жылдын 17-декабрында өзгөртүлүп, үй камагына чыгарылган. Анын себеби мурдагы депутат жабырлануучуга 300 миң долларды кайтарып берген.
Биздин Телеграм каналга катталыңыз