«Электр станциялары» ишканасынын жетекчиси Жолдошбек Ачикеев кызматтан кетти. Бул тууралуу аталган ишкананын басма сөз кызматы кабарлады.
Маалыматка ылайык, «Электр станциялар» ишканасынын генералдык директору Ачикеев Жолдошбек Ишенбаевич өз арызы менен 1-февралда иштен кеткен. Компаниянын директорлор кеңеши тиешелүү чечимди кабыл алган.
Ушул эле күнү Бектенов Таалайбек Эркинбекович генералдык директордун милдетин аткаруучу болуп дайындалган.
Жолдошбек Ачикеев 2020-жылдын 27-февралынан бери «Электр станциялар» ишканасынын генералдык директору болуп иштеп келе жаткан.