Эмгек, социалдык камсыздоо жана миграция министрлиги тарабынан алты ай ичинде эмгек мигранттарга 14 миллион рубль төлөнбөгөн эмгек акыны алууга жардам берилди. Бул тууралуу аталган ведомстводон билдиришти.
Жыл башынан бери министрликтин Москвадагы өкүлчүлүгүнө россиялык иш берүүчүлөр тарабынан Кыргызстандан барган эмгек мигранттарына төлөнбөгөн эмгек акылар боюнча 245 кайрылуу түшкөн.
“Өкүлчүлүктүн кызматкерлери тарабынан жүргүзүлгөн иш-чаралардын натыйжасында 193 кыргызстандык эмгек акысын ала алышкан. Төлөмдөрдүн жалпы суммасы 14 014 800 рублди түздү”, — деп айтылат министрликтин маалыматында.
Биздин Телеграм каналга катталыңыз