Кыргызстанда туризм жана балык чарбасы үчүн жайыттар колдонууга уруксат берилет. Айыл чарба министрлигинин токтом долбоору коомдук талкууга коюлду.
«Туристтик иш-чараларды жүзөгө ашырууда жайыттардагы имараттар архитектура жана курулуш чөйрөсүндөгү ыйгарым укуктуу мамлекеттик орган менен белгиленген тартипте макулдашылган жеңил конструкцияны колдонуу менен ишке ашырылат. Балык чарбасы жана айыл чарба (күнөсканаларды ишке киргизүү) иштерин жүргүзүү үчүн жайыттар райондук мамлекеттик администрациясы тарабынан жер тилкелери которулгандан (трансформациялангандан) кийин берилет», — деп айтылат документте.
Туризм, балык чарбасы жана айыл чарба (күнөсканаларды ишке берүү) ишин жүзөгө ашыруу үчүн жайыттар ушул Жобонун жана келишимдин талаптарын аткарган шартта 5 жылга чейинки мөөнөткө, кийин 20 жылга чейин узартуу менен берилет.
Мал жайылуучу жайыттар, фаунанын эндемикалык түрлөрү жана өсүмдүктөрдүн эндемикалык түрлөрү жашаган аймактар туризм жана балык чарба иштерин жүргүзүү үчүн каралбай тургандыгы белгиленди.
Жеке жана юридикалык жактар жайыттарды төмөнкү максаттарда пайдалана алышат:
- эс алуу үчүн;
- жапайы жемиштерди, мөмөлөрдү, козу карындарды жана башка тамак-аш азыктарын жеке колдонуу үчүн чогултуу;
- дары-дармек жана техникалык сырьену чогултуу жана балчылык;
- маданий, эс алуу, туристтик жана спорттук иш-чараларга катышуу;
- маданий, эс алуу, спорттук иш-чараларга катышуу жана эквиваленттүү аймактын кийинки инвестициялык салымы менен туристтик ишти жүзөгө ашыруу;
- балык чарба менен шугулдануу үчүн.