Мурдагы депутат Эмил Жамгырчиев камактан бошотулду. Бул тууралуу адвокат Кайсын Абакиров билдирди.
Анын айтымында, Биринчи Май райондук сотунун 2-февралдагы чечими менен УКМКнын Мамлекеттик тергөө башкармалыгынын Жамгырчиевдин баш коргоо чарасын өзгөртүү тууралуу өтүнүчү канааттандырылып, эч жака кетпөө тууралуу жазуу жүзүндөгү милдеттенмеге өзгөртүлдү.
Ал сот залынан бошотулду.
2-февралда Жамгырчиев мандатын тапшыруу боюнча арыз жазган. Берилген арыздын негизинде Борбордук шайлоо комиссиясы депутаттын ыйгарым укуктарын мөөнөтүнөн мурда токтоткон.
Биздин Телеграм каналга катталыңыз