Эмомали Рахмон Кыргызстандын тышкы иштер министри Жээнбек Кулубаевди кабыл алды.
Тажикстандын президентинин маалымат кызматынын билдирүүсүндө, жолугушууда чек араны делимитациялоо маселеси талкууланды.
Эмомали Рахмон өкмөттөр аралык жумушчу топ 4 айда 196 чакырым боюнча макулдашууга жетишкенин белгилеп, чек аранын жалпы 90 пайызы аныкталып бүткөнүн айтты.
Кыргызстандын Тышкы иштер министрлигинин маалыматында, сүйлөшүүнүн жүрүшүндө тараптар эки тараптуу мамилелердин актуалдуу маселелерин, кыргыз-тажик кызматташтыгынын саясый, соода-экономикалык жана маданий-гуманитардык чөйрөлөрүн мындан ары өнүктүрүүнүн келечегин талкуулашты.
Белгилей кетсек, президент Садыр Жапаров 2023-жылдын аягында Баткенде жергиликтүү тургундар менен жолугушууда Тажикстан менен чек араны аныктоого иштери жазга чейин аяктарын айткан.