Эркин күрөш боюнча кыргызстандык балбандар Кореядагы эл аралык мелдеште 4 медаль утту. Бул тууралуу спорттук журналист Тахир Гафуров билдирди.
Медалдардын бирөө алтын, бирөө күмүш жана экөө коло.
Алтын байгени Билол Шарип уулу (65кг), күмүштү Орозобек Токтомамбетов (74 кг), колону Абдымалик Карачов менен Кутман Төлөбалдиев уткан.
Балбандар мелдешке башкы машыктыруучу Руслан Мажиновдун жетекчилигинде катышкан. Командалык эсепте кыргызстандык балбандар экинчи орунга татыган.