Кыргызстандык эркин күрөш боюнча балбандар Алмазбек Сманбеков менен Алибек Осмонов Тараз шаарында (Казакстан) өткөн Динмухамед Кунаевдин жаркын элесине арналган эл аралык мелдеште алтын медалга ээ болушту. Бул тууралуу Дене тарбия жана спорт департаментинен билдиришти.
Алмаз Сманбеков 57 кг салмакта жана Алибек Осмонов 70 кг салмакта күч сынашкан. Алар финалдык беттеште казакстандык атаандаштарын жеңип, алтын медаль утту.
Алмаз Сманбеков
Белгилей кетсек, Динмухамед Кунаевдин жаркын элесине арналган эркин күрөш боюнча эл аралык мелдеш 3-5-ноябрь күндөрү болуп өттү.
Биздин Телеграм каналга катталыңыз