УКМКнын Тергөө абагында камакта отурган мурдагы премьер-министр Сапар Исаков 28-октябрда өтө турган соттук отурумга келүүдөн баш тартса анда күч менен алып келинет. Мындай чечимди Свердлов райондук сотунун судясы кабыл алган.
24-октябрда өткөн ЖЭБге байланышкан кылмыш иштин алкагындагы соттук отурумга Сапар Исаков келүүдөн баш тарткан. Муну ал айрым күбөлөрдүн суралбай жатканына нааразылык деп түшүндүргөн.
Сапар Исаков Бишкек ЖЭБине байланыштуу козголгон кылмыш ишке байланыштуу 2018-жылдын июнь айынан бери УКМКнан убактылуу кармоо жайында кармалып келет.