Бишкекте 5-ноябрда Венгриянын тышкы экономикалык байланыштар жана тышкы иштер министри Петер Сийяртонун катышуусунда кыргыз-венгер өнүктүрүү фондунун ачылышы болот. Бул тууралуу Экономика жана соода министрлиги билдирди.
Фонд кредиттерди берүү, капиталга катышуу жана өлкөдө катталган жана иштеп жаткан чарба жүргүзүүчү субъекттер менен мамилелерде башка финансылык инструменттерди колдонуу аркылуу Кыргызстандын экономикасынын артыкчылыктуу тармактарындагы өзүн-өзү актаган долбоорлорду каржылайт деп болжолдонууда.
Анын уставдык капиталы 16 миллион долларды түзөт. Венгриялык тарап өз каражаттарынын эсебинен уставдык капиталын 50 миллион долларга жеткирүүнү көздөп жатат.