Жогорку Кеңештин депутаты Эрулан Кокуловдун мурдагы жардамчысы Айтилек Орозбеков эки айга камакка алынды. Бул тууралуу Бишкектин Биринчи май райондук сотунан билдиришти.
Маалым болгондой, Орозбеков УКМК тарабынан кармалган. Атайын кызмат ага Кылмыш-жаза кодексинин 327-беренесинин 2-бөлүмүнүн 1-пункту (бийликти күч менен басып алууга ачык чакырыктар) боюнча айып тагууда.
Орозбековдун бөгөт чарасы 2-ноябрда сотто каралып, УКМКнын тергөөчүсү келтирген өтүнүч боюнча 2025-жылдын 1-январына чейин камакка алынган.
Анын досу жергиликтүү ММКларга билдиргендей, Орозбеков соцтармактагы билдирүүсү үчүн кармалган.
Ал мурда депутат Эрулан Кокуловдун жардамчысы болгон, кийин «Бүтүн Кыргызстан» партиясына мүчө болгон.