Кыргызстандык режиссер Актан Арым Кубаттын «Эсимде» тасмасы «Евразия» эл аралык кинофестивалына катышат. Бул тууралуу Кыргызстандын Кинематография департаментинен билдиришти.
Аталган кинофестиваль Алматы шаарында 12-18-декабрь күндөрү болуп өтөт. Актан Арым Кубат бул фестивалдын эл аралык сынагына «Эсимде» тасмасы менен катышуу үчүн чакыруу алган.
«Евразия» кинофестивалы 1998-жылы негизделген. Ал Кинопродюсерлер ассоциациясынын эл аралык федерациясында (FIAPF) каттоодон өткөн жалгыз казакстандык кинофестиваль болуп саналат.
Биздин Телеграм каналга катталыңыз