Кыргызстанда уйдун да, койдун да этинин көлөмү кескин кыскарды. Монополияга каршы жөнгө салуу кызматы муну сезондук фактор катары түшүндүрүүдө. Ал арада Улуттук статистикалык комитет жарыялаган маалыматта республикадан акыркы беш жылда рекорддук сандагы мал тышка сатылып жатканын көрсөтүүдө.
Өзбекстанга төрт түлүктүн активдүү чыгып жатканы апрель айында башталган. Жалпысынан жыл башынан бери Кыргызстандан 8919 баш бодо мал алынып келинген. Бул 2021-жылдын январь-апрель айларына салыштырмалуу 30 эсеге көп.
Майда мүйүздүү мал былтыркыга салыштырмалуу 143 эсеге – быйыл кой-эчки 647ден 92385 баш өскөн.
Май айындагы малдын экспорту боюнча маалымат чыга элек, бирок Улуттук статистикалык комитет жүргүзгөн баа мониторинги ай бою уйдун да, койдун да этинин кымбаттаганын көрсөтүүдө.
Монополияга каршы жөнгө салуу мамлекеттик кызматы баанын көтөрүлүшү боюнча даттануулар боюнча жооп берип, Бишкек жана Токмок шаарларынын базарларындагы абалга мониторинг жүргүздү.
«Уй жана кой этине болгон мониторингдин жүрүшүндө эт сатуучуларында азык-түлүк тартыштыгы жок экендиги, керектөөчүлөр арасында толкундануу жок экендиги аныкталды», — деп билдирет Монополияга каршы күрөшүү кызматы.
Кызматтын маалыматы боюнча Бишкек шаарындагы ири базарларындагы эттин баасы:
- уй эти – 470-520 сом/кг;
- кой- 480-550 сом/кг.
Токмок базарында эттин баасы:
- уй эти – 440-470 сом/кг;
- кой — 470-520 сом/кг.
Базарларда эттин тартыштыгы байкалбай, баалар туруктуу экенин Айыл чарба министрлиги «Акчабарга» билдирди. Ошол эле учурда министрлер кабинетинин токтомуна ылайык, азыр Кыргызстанда этти экспорттоого тыюу салынган, ал эми тирүү малды экспорттоого тыюу салынган эмес.