Нарын шаарында «Хизб-ут-Тахрир» диний экстремисттик уюмунун (ДЭУ) активдүү мүчөсү кармалды. Бул туурасында Улуттук коопсуздук мамлекеттик комитетинен билдирди.
Маалыматка караганда, 8-декабрда Кыргызстанда ишмердүүлүгүнө тыюу салынган экстремисттик мүнөздөгү, “Хизб-ут-Тахрир” ДЭУга таандык фотоматериалдарды тараткан уюмдун активдүү мүчөсү “Т.у.Б.” кармалды. Тинтүү учурунда Фейсбук социалдык тармагында экстремисттик аракеттерди жасаган «Samsung J2» телефону жана сим-картасы табылып алынган.
Азыркы учурда кармалган жарандын мыйзамсыз иш-аракеттерин документтештирүү боюнча керектүү ыкчам-иликтөө иш-чаралары жүргүзүлүүдө.
