Февраль айында мигранттар Кыргызстанга 187,6 миллион доллар которгон, бул бир ай мурдагыга караганда 10,5 миллион долларга көп. Мындай маалыматты Улуттук банк берет.
Жалпысынан январь-февраль айларында мигранттар өлкөгө 364,7 миллион доллар которгон. Бул 2021-жылга салыштырмалуу 36,1 миллион долларга көп. Акча которуулардын 97 пайыздан ашыгы Орусияга туура келет — 354,08 миллион доллар. Башка мамлекеттерден Кыргызстанга 1,76 миллион доллар, АКШдан 7,5 миллион доллар которулган.