29-май күнү Сеул-Бишкек-Сеул каттамы менен 58 кыргызстандык чартердик каттам менен Филиппин жана Корея өлкөлөрүнөн кайтып келди. Бул тууралуу республикалык штабдын басма сөз кызматы кабарлады.
Аталган каттам Кореядан Кыргызстандын жарандарын жана Кыргызстандан Кореянын, Япониянын жана Америка Кошмо Штаттарынын жарандарын алып чыгып кетүү үчүн корей тарабы менен жетишилген макулдашууларды ишке ашыруунун алкагында уюштурулган.
Учурда бардык учуп келген мекендештер бекитилген тартипте тийиштүү медициналык процедуралардан өтүү үчүн обсервацияга жаткырылды.