Бразилиялык футболчу Пеленин ден соолугу начарлап баратат. Бул тууралуу ал азыр жаткан Сан-Паулу шаарындагы клиниканын дарыгерлери билдирди. Рак илгерилеп, химиотерапия андан да эртерээк жыйынтык бербей калды.
Дарыгерлер паллиативдик жардамды гана көрсөтө алышат. Пеле Рождество майрамын ооруканада өткөрөрү буга чейин белгилүү болгон. Ошол эле учурда дарыгерлердин айтымында, спортчу кадимки палатада жатат, аны реанимацияга которууга азырынча негиз жок.
20-кылымдын мыкты футболчусу былтыр рак оорусуна кабылып, операция жасалган, бирок шишикти жеңүү мүмкүн эмес болууда.
Биздин Телеграм каналга катталыңыз