Кыргызстандын Гимнинин авторлорунун бири, акын Шабданбек Кулуев көз жумду. Бул тууралуу журналист Канышай Мамыркулова Фейсбуктагы баракчасына жазды.
Шабданбек Кулуев Жумгал районунун Чаек айылында 1942-жылы 1-январда туулган.
Ал мамлекеттик гимндин авторлорунун бири болуп, 1994-жылы “Кыргыз Республикасынын маданиятына эмгек сиңирген ишмер” наамы берилген.
Эмгек жолу:
— 1963-жылы Суусамыр өрөөнүндөгү 8-март, Каракол башталгыч мектептеринде мугалим болуп иштөөдөн баштаган.
— 1969–1990-жылдары Жумгал районунун Жумгал, М.В.Фрунзе атындагы орто мектептерде тарбиялык иштер боюнча директордун орун басары, кийин директор болгон.
— 1990–2006-жылдары Жайыл районунун Түркмөн атындагы орто мектебинде математика мугалими болуп иштеген. Республикалык “Кыргыз туусу” гезитинин штаттан тышкаркы кабарчысы болгон.
— 1991-жылдан Кыргыз Республикасынын Жазуучулар союзунун мүчөсү.
Reporter.kg маалымат агенттигинин эмгек жамааты Шабданбек Кулуевдин көз жумгандыгына байланыштуу анын үй-бүлөсүнө жана жакындарына терең кайгыруу менен көңүл айтып, аза кайгыларын тең бөлүшөт.
