Бишкек шаарынын мэринин милдетин аткаруучу Балбак Түлөбаев мэрдин кеңешчиси Гуля Алмамбетовага кызматын тапшыруу сунушун киргизди. Бул тууралуу “Репортёрго” Алмамбетова өзү билдирди.
Шаар мэринин кеңешчиси ошондой эле, Балбак Түлөбаев аны жумуштан кетире албай тургандыгын айтты.
Балбак Түлөбаев 27-октябрда президенттин милдетин аткаруучу, премьер-министр Садыр Жапаровдун буйругу менен Бишкектин мэринин милдетин аткаруучу болуп дайындалган. Ага чейин өкмөттүн Ысык-Көл облусундагы өкүлү кызматын аркалап келген.
