Саламаттыкты сактоо министрлиги Ислам өнүктүрүү банкынын долбоорунун алкагында республика боюнча 10 модулдук вирусологиялык лабораторияларды куруп жатат. Бул туурасында аталган министрликтен билдиришти.
Маалыматка караганда, илдеттердин алдын алуу жана мамлекеттик санитардык-эпидемиологиялык көзөмөл борборлорунун (CPZiGSES) базасында 10 вирусологиялык лабораториялар курулуп жатат. Бул лабораториялык диагностиканы жакшыртууга жана оптималдаштырууга, калктын COVID-19 инфекциясынын диагностикалык тесттерине жеткиликтүүлүгүн жакшыртууга чоң салым кошот.
Ысык-Ата, Сокулук, Жайыл райондоруна салынып жаткан лабораториялар 60 пайыз даяр. Ал эми Талас, Ноокат, Ноокен жана Каракол шаарындагылар 20 пайызы бүтүп калды. Жалал-Абад, Баткен шаарларына жаңыдан пайдубалы түптөлдү.
Маалыматта канча каражат кеткени айтылган эмес.
