Жогорку Кеңештин атайын депутаттык комиссиясы Бактыбек Жетигеновго коюлуп жаткан күнөөлөргө толук фактылар табылган жок деп, Башкы прокуратуранын өтүнүчүн четке кагуу чечимин кабыл алды. Ошондой эле Улуттук коопсуздук комитетинин тергөө изоляторунан токтоосуз бошотулсун деген чечимге келди. Мындай чечимди Жогорку Кеңештин жыйынында атайын депутаттык комиссиянын төрайымы Айсулуу Мамашева окуп берди.
Эч кандай суроосу жок эле токтом долбоорун добуш берүүгө коюлду.
Жалпы 97 депутаттын, 88 депутаты “макул” деп добуш берди.