17-январда Кыргызстандын Малайзиядагы элчиси, Убактылуу өкмөттүн мүчөсү Азимбек Бекназаров Башкы прокуратуранын имаратында суракка алынды. Бул маалыматты Reporter.kg′ге аталган көзөмөл органынын басма сөз кызматы тастыктады.
Маалым болгондой, Бекназаров 2010-жылдагы июнь окуясы боюнча козголгон кылмыш ишинин алкагында сурак берген.
Бул кылмыш иши боюнча буга чейин Убактылуу өкмөттүн башка мүчөлөрү Бектур Асанов, Өмүрбек Текебаев, Кеңешбек Дүйшөбаевдер суракка алынганы айтылды.
16-апрелде Улуттук коопсуздук боюнча мамлекеттик комитеттин басма сөз кызматы 2010-жылдагы июнь окуясы боюнча тергөө иштери жанданды деген маалымат тараткан.
«Президент Садыр Жапаровдун тапшырмасына ылайык, 2021-жылдын 15-апрелинде УКМК тарабынан Кыргыз Республикасынын Кылмыш-жаза кодексинин 304-беренесинин 4-бөлүгү (кызматтык абалынан кыянаттык менен пайдалануу) менен козголгон кылмыш иши боюнча тергөө иштери улантылды. 2010-жылдын май-июнь айларында республиканын түштүгүндө кайгылуу кесепеттерге алып келген себептердин бири болгон белгилүү Кадыржан Батыровдун өлкөдөн тоскоолдуксуз мыйзамсыз чыгып кетишине көмөктөшүү фактысы боюнча Убактылуу өкмөттүн кызмат адамдарына карата козголгон», — деп айтылат билдирүүдө.
Бул кылмыш иши боюнча буга чейин Убактылуу өкмөттүн башка мүчөлөрү Бектур Асанов, Өмүрбек Текебаев, Кеңешбек Дүйшөбаевдер суракка алынганы айтылды.
— Анда өлкөнү Убактылуу өкмөттүн башчысы жана өткөөл мезгилдин президенти Роза Отунбаева башкарган;
— Темир Сариев анын финансы боюнча орун басары болуп дайындалган;
– Экономикалык маселелер боюнча орун басары – Алмазбек Атамбаев;
— Конституциялык реформа боюнча орун басары — Өмүрбек Текебаев;
— Башкы прокуратура жана каржы полициясы боюнча орун басары – Азимбек Беканазаров (азыркы Кыргызстандын Малайзиядагы элчиси);
— Убактылуу өкмөттүн аппарат жетекчиси — Эмилбек Каптагаев.
Андан кийин Болотбек Шерниязов Ички иштер министрлигин, УКМКны – Кеңешбек Дүйшебаев жетектеген;
Саламаттык сактоо министрлиги — Дамира Ниязалиева; Коргоо министрлигинде Исмаил Исаков, Маданият министрлигинде Рыскелди Момбеков ( Жогорку Кеңештин депутатыгына талапкер), Тышкы иштер министрлигинде Руслан Казакбаев (азыр бул бөлүмдү дагы жетектейт), Юстиция министрлигинде Аида Салянова ж.б.