Рафаэль Физиев менен Рафаэль дос Аньостун (Бразилия) 19-февралда Американын Лас-Вегас шаарында өтө турган UFC боюнча беттеши жылдырылды. Бул тууралуу MMAFighting басылмасы билдирди.
Маалыматка караганда, турнир 5-мартка жылды. Буга кыргызстандык мушкердин виза алуудагы көйгөйү себеп болгон.
Рафаэль Физиев акыркы беттешин декабрь айында өткөрүп, Жаңы Зеландиянын өкүлү Брэд Ридделл менен кез келип, аны үчүнчү раундда нокаут менен жеңген. Ал буга чейин беттештерге Кыргызстандын желегин көтөрүп чыкпаарын айтып, Гондурастын атынан чыгаарын жар салган болчу.