Орусиянын Екатеринбург шаарында кыргызстандыктарга алгач ирет айдоочулук күбөлүктөр берилди. Бул туууралуу Тышкы иштер министрлигинен билдиришти.
Маалыматка караганда, күбөлүктөрдү Екатеринбург шаарындагы башкы консул Руслан Бийбосунов тапшырды.Башкы консулдук Орусиянын Урал аймагында жүргөн кыргызстандыктарга улуттук жана эл аралык айдоочулук күбөлүктөрдү алмаштыруу үчүн документтерди 2022-жылдын 17-январынан тарта кабыл ала баштаган. Ошол убакыттан бери кабыл алынган документтердин негизинде айдоочулук күбѳлүктѳр Бишкекте жасалып, алгачкылары Екатеринбургдагы Кыргызстандын консулдук мекемесине келе баштаган.