Москва районунда 17 кабаттуу үйдөн кулап кеткен эки кыргызстандык аман калды. Бул тууралуу орусиялык басылмалар жазып чыгышты.
Маалыматка караганда, кыргызстандыктар үйдө достору менен эс алып жатышкан. Бир маалда алардын ортосунда жаңжал чыгып, 23 жаштагы кыз терезени ачып боюн таштоого аракет кылат, 26 жаштагы мырза өмүрүн сактап калам деп жатып, кыз менен кошо кулайт.
Бактыга жараша, канчалык бийик болгонуна карабастан жаштар аман калышты. Бирок, экөө тең оор абалда ооруканага жаткырылды.