Бажы кызматы 2022-жылдын 1-кварталына карата бажы төлөмдөрү боюнча планды ашыгы менен аткарды. Бул туурасында аталган мекемеден билдиришти.
Маалыматка караганда, ушул жылдын 1-кварталынын жыйынтыгы боюнча такталган маалыматтарга ылайык, бажы төлөмдөрүнүн иш жүзүндө түшүүсү 14,2 млрд. сомду түздү. 2021-жылдын 1-кварталы менен салыштырганда түшүүлөр 5,8 млрд. сомго көбөйгөн, же өсүү темпи 168,3% түзгөн. КР ФМ тарабынан белгиленген пландык көрсөткүчтөр 109,2% аткарылган же 1,2 млрд. сомго көп чогултулган.