Кыргызстан айыл чарба продукциясын өндүрүү боюнча ЕАЭБ өлкөлөрүнөн алдыда. Бул тууралуу Евразиялык экономикалык биримдиктин негизги социалдык-экономикалык көрсөткүчтөрү боюнча документте айтылды.
Көрсөткүчтөр 2022-жылдын январь-март айлары үчүн өткөн жылдын ушул мезгилине салыштырмалуу алынган.
Алсак, ушул жылдын биринчи кварталында өткөн жылга салыштырмалуу Кыргызстанда айыл чарба өндүрүшүнүн өсүшү 2,3%ды түзсө, андан кийин Орусияда – 1,9%га жана Казакстанда – 1,8%га өсүш байкалууда.
Айыл чарба өндүрүшү Беларуста (-0,6%) жана Арменияда (-0,8%) төмөндөдү.
Белгилеп кетсек, 2021-жылдын ушул эле чейрегинде 2020-жылдын ушул мезгилинен айырмаланып, Казакстан биринчиликке ээ болгон – 2,8% өскөн. Кыргызстан экинчи (1,7%га) болчу.