Түркияда өтүп жаткан Ислам тилектештиги оюндарында кыргызстандык Калидин Асикеев грек-рим күрөшү боюнча күмүш медаль тагынды.
Ал 82 килограммга чейинки салмак категориясында чыкты.
Финалдык беттеште азербайжандык Рифат Гусейнов менен кез келип, ага жеңилип калды.
Бул медаль Кыргызстан үчүн Түркиядагы оюндарда сегизинчи медаль болду – 3 алтын, 3 күмүш жана 2 коло.
Ислам тилектештик оюндары бешинчи жолу өтүп жатат. 2021-жылы, коронавирус пандемиясынан улам алар 2022-жылдын августуна жылдырылган болчу.
Бардык жаңылыктар Телеграм каналда