Канаттуулардын көзү менен караганда, 80 чарчы километрден ашык аянтты ээлеген жана Швейцариядагы эң чоң Алетша мөңгүсүнүн эрүү процессин көрүү кыйын. Ошого карабастан, климаттын өзгөрүшүнүн белгилери көрүнүп турат. 1968-жылы изсиз жоголгон учактын калдыктары ушул айда табылган. Эми аларды каптаган калың муз эрип кеткенден кийин жер бетинен чыгып жатышат.
“Мөңгүлөр урап жатат. Ушундай улана берсе, 2090-жылга чейин муздун 10% гана калат дешет”- дейт гид Доминик Неллен.
Акыркы айларда Альп тоосунун ар кайсы жерлеринен адамдын сөөктөрү табылды. Буга чейин мындай табылгалар сейрек болчу. Азыр алар дээрлик жыл сайын жана тез-тез жолугушат.
«Биз бул жерде көйгөйдү көрүп жатабыз. Бүтүндөй дүйнөнүн бул проблемасы сууга байланыштуу. Биз эле сууга муктаж эмеспиз. Бүткүл Европа бул аймактан сууга муктаж”- мөңгүлөрдү коргоочу Стефан Гафнер.
Глобалдык жылуулуктун кесепеттери 3000 метр бийиктиктеги Лес Диаблеретте да ачык көрүнүп турат, бул жерден Рим доорунан бери муз каптаган жолду көрүүгө болот… Окумуштуулар эмне болорун жакшыраак алдын ала айтуу үчүн бул өзгөрүүлөрдү кылдаттык менен талдап чыгуу муктаждыгы жаралды.
Телеграм каналыбызга катталып, башка жаңылыктарды табыңыз