Кадамжайдагы Үч-Коргон айыл өкмөттүн кызматкерлеринин үйлөрү тинтилди. Бул тууралуу Улуттук коопсуздук мамлекеттик комитетинен билдирди.
Маалыматка караганда, Кадамжай районунун Үч-Коргон а/а кызмат адамдарына Кылмыш-жаза кодексинин 337-беренесинин 2-бөлүмүндө (Кызматтык абалынан кыянаттык менен пайдалануу) каралган кылмыш белгилери боюнча козголгон кылмыш ишинин алкагында, ушул жылдын 15-октябрында КР УКМК жана Кадамжай райондук Прокуратурасынын кызматкерлери менен биргеликте аталган кызмат адамдарынын жана бул кылмышка тиешеси бар болушу мүмкүн болгон А.А.Т., А.Д.А., З.Г.М. жана Н.И.Х. аттуу адамдардын жашаган жеринде тинтүү иштерин жүргүзүлдү.
Жыйынтыгында, Бул жарандардын жашаган жеринен ар кандай фамилияга берилген жер тилкелеринин документтери, анын ичинде айыл өкмөттүн токтомдорунун бланктары, 6 флеш-карта, 1 ноутбук, 2 рация, 1 дүрбү, 3 пневматикалык курал (1 тапанча, 2 мылтык) жана алардын ок-дарылар менен табылып алынган.
Алынган буюмдар кылмыш ишинин материалдарына тиркелип, электрондук алып жүрүүчүдөгү маалыматтар боюнча тиешелүү чаралар көрүлүүдө.
УКМК жергиликтүү бийлик органдары тарабынан жер тилкелерин бөлүштүрүүдө Кыргызстандын мыйзамдарын кошумча бузууларды аныктоо боюнча иштерди улантууда.
Биздин Телеграм каналга катталыңыз