Кыргызстанда төрт жылда (2017- 2021) аялдардын орточо маянасы 35,6%га, эркектердики 30,9%га өскөн. Бул тыянакты Улуттук статистикалык комитети жакында жарык көргөн “Кыргыз Республикасынын аялдары жана эркектери” жыйнагында берген.
Ошол эле учурда эркектер менен аялдардын орточо эмгек акысынын өлчөмүнүн ортосундагы ажырым дагы эле 30%дан ашат.
Алсак, 2017-жылы аялдардын орточо айлык маянасы 12 миң 183 сомду түзсө, эркектердики 16 миң 802 сомду түзүп, 37,9%га жогору болгон.
Өткөн 2021-жылы аялдардын орточо айлык маянасы 16 миң 524 сомго, ал эми эркектердики 21 миң 999 сомго чейин өстү, бул 33,1%га жогору.
Телеграм каналыбызга каттала кетиңиз