4-январга караган түнү Бишкек менен Жалал-Абадда 2 адам иске ууланып, каза болду. Бул тууралуу Өзгөчө кырдаалдар министрлигинен билдирди.
Маалыматка караганда, ордо калаанын Ак-Бата конушунда жайгашкан турак үйдөн өрт чыккандыгы тууралуу маалымат түшкөн.
Өрттү өчүрүүгө Свердлов райондук ӨКБдан 1 күжүрмөн эсеп тартылып, өрт саат 23: 38де чектөөгө алынып, саат 23:58де толук өчүрүлгөн.
Тилсиз жоонун кесепетинен турак үйдүн аянты 30ч.м болгон жыгач устундуу шифер менен жабылган устундары, рейкасы, диван жана төшөнчүлөрү күйгөн.
Тилекке каршы өрттүн кесепетинен 1975-ж.т К.Б аттуу эркек киши түтүнгө ууланып, каза тапкан. Өрттүн себеби такталууда.
Ошондой эле 4-январда Жалал-Абад облусуна караштуу Сузак районунун Ырыс а/а, Күмүш-Азиз айылында жайгашкан турак үйдөн өрт чыккандыгы тууралуу маалымат түшкөн.
Өрттү өчүрүүгө Сузак райондук N65 ӨКБдан 1 күжүрмөн эсеп тартылып, тилсиз жоо саат 06:12де чектөөгө алынуу менен 07:01де толук өчүрүлгөн.
Кырсыктын кесепетинен жыгач устундуу шифер менен жабылган турак үйдүн 54ч.м. шыбы күйгөн.
Өрттүн кесепетинен 1971-жылы туулган Ч.З аттуу эркек киши иске ууланып, каза болгон.
Учурда өрттүн себеби такталууда.
Биздин Телеграм каналга катталыңыз