Жалал-Абад облусунун Чаткал районундагы калың жааган кардан улам курулуш фидеринде авариялык өчүү катталып, калыбына келтирүү жумуштары жүрүп жатат. Бул тууралуу Энергетика министрлигинен билдирди.
Маалыматка караганда, 110/35/10 кВ «Жаңы -Базар» көмөк чордонунан чыккан 10 кВ Курулуш фидеринде электр жарыгы авариялык негизде өчкөн.
Ал эми азыркы учурда Ак-Таш айылында электр жарыгы жок. Айылдагы электр монтерлор текшерүү жумуштарын жүргүзүүдө. Кошумча бригада ортодогу ашуудан тынбай кар көчүп коркунуч жаралгандыктан, өтө албай турат.
Биздин Телеграм каналга катталыңыз