Экс-президент Сооронбай Жээнбеков Улуттук коопсуздук боюнча мамлекеттик комитетке суракка чакырылды. Бул тууралуу 18-сентябрда атайын кызматтын басма сөз бөлүмү билдирди.
Маалыматка караганда, Жээнбеков суракка «Кумтөр иши» боюнча чакырылган.
Мурдагы президент Сооронбай Жээнбеков буга чейин да «Кумтөр иши» боюнча күбө катары сурак берип чыккан. Ошондой эле УКМК Жээнбеков 2017-жылы өкмөт башчы болуп тургандагы иштер боюнча суралганын, аны менен тергөө аракеттери уланарын маалымдаган.