8-апрелге караган түнү өзгөчө абал киргизилген аймактарда коммендаттык сааттын талаптарын бузган 92 жаран милиция бөлүмүнө жеткирилди. Бул тууралуу Ички иштер министрлигинин басма сөз кызматы кабарлайт.
Кармалган жарандардын ичинен:
- • Бишкек шаарында 58 адам;
- • Ош шаарында 5;
- • Жалал-Абад шаарында 12;
- • Сузак районунда 15;
- • Кара-Суу районунда 2 адам бар. Ал эми Ноокат районунда коменданттык сааттын талаптарын бузгандар катталган эмес.
Тартип бузгандарга коменданттык сааттын талаптары менен эрежелери боюнча түшүндүрүү иштери жүргүзүлүп, коменданттык сааттын аякташы менен кое берилген.