Кыргызстан социал-демократиялык партиясынын (КСДП) төрагасынын орун басары Кундуз Жолдубаева камакка алдынды деген маалмат чындыкка дал келбейт. Бул тууралуу Ички иштер министрлигинин басма сөз кызматы билдирет.
«Ал Кой-Таш айылында болгон окуяларга байланыштуу 16-декабрда күбө катары суракка чакырылып, сурактан соң коё берилди», — деп жазылат министрликтин маалматында.
Кундуз Жолдубаева буга чейин 7-8-августтагы Кой-Таш окуялары боюнча бир нече жолу ИИМдин Тергөө кызматына сурак берип чыккан.