Бишкек травматология жана ортопедия илим изилдөө борборуна бүгүн саат 06:50 чамасында азиат түспөлүндөгү белгисиз адам эс-учун жоготкон абалда түшкөнү тууралуу Бишкек ШИИБдин “102” кызматына маалымат келген.
Борбор калаанын Ички иштер башкы башкармалыгынын басма сөз кызматы билдиргендей, тергөө-ыкчам тобу келип, 1977-жылы туулган ИИМдин пенсионери Сыргак Айткурманов аттуу адам экенин тастыкташкан. Ал «башынын жабык жаракаты» диагнозу менен реанимацияга түшкөн. Анын жанынан өздүгүн тастыктаган документтер – ID паспорту, айдоочулук күбөлүгү жана iPhone маркасындагы уюлдук телефон табылган.
Бул факт Свердлов райондук милициясына катталып, керектүү экспертизалар дайындалган.
Сыргак Айткурманов Гоголь жана Москва көчөлөрүнүн кесилишинен табылган, аны тез жардам бригадасы ооруканага жеткирген.
Саат 12:00дөр чамасында Айткурманов эсине келбей каза болду.
Экспертизада алдын ала соттук-медициналык диагноз коюлган: «Өнөкөт боордун жетишсиздиги. Жүрөктүн кызыл өңгөчүнүн жана ашказандын веналарынын кеңейиши. Ашказан-ичегиден кан агуу. Маллори-Вейс синдрому».