Сууда жана сүттө коргошун жана никель бар. Бул Индиянын түштүгүндөгү Андхра-Прадеш штатындагы табышмактуу оорунун себеби болушу мүмкүн. Металдар сууга жана сүткө кантип киргени белгисиз. Бул тууралуу «РИА Новости» жазды.
Өткөн жекшембиде Элуру шаарында жана анын айланасында белгисиз илдет жайыла баштады.
Белгилери: үч-беш мүнөттүн ичинде эпилепсиянын кармалышы, бир нече мүнөттүн ичинде эс тутумдун начарлашы, күтүүсүздөн эстен тануу, баш оору жана белдин оорушу.
«Табышмактуу ооруну эмне козгогону жөнүндө толук маалымат борбордук бөлүмдөр өз отчетторун бергенден кийин гана белгилүү болот. Биринчиден, эпидемиянын себеби коргошун экени аныкталды», — деди мамлекет башчынын ден-соолук боюнча орун басары Алла Кали Кришна Сринивас.
Бирок, отчетто бул алдын-ала маалыматтар жана кошумча изилдөөлөрдүн натыйжаларын күтүү керек деп белгиленет.
«Индиянын Химиялык технология институту жана башка институттар тарабынан кошумча изилдөөлөр жүрүп жатат жана жакында жыйынтыктар күтүлүүдө. Башкы министр бейтаптардын денесиндеги оор металлдардын курамын тыкыр иликтөөнү жана дарылануу процессин ар дайым көзөмөлдөөнү буйрук кылды», — деп айтылат басылманын билдирүүсүндө.
Жергиликтүү саламаттыкты сактоо органдарынын маалыматы боюнча, жалпысынан 505 адам жаракат алып, 370тен ашууну айыгып, дагы 120 адам ооруканаларда жатат.
Жергиликтүү ЖМКлардын маалыматына караганда, борбору Элуру болгон Батыш Годавари району ичүүчү суу маселесиндеги кыйынчылыктарды баштан кечирүүдө. Бул округ Андхра-Прадеш штатындагы күрүчтү эң ири экспорттогон өлкө жана анын сугат тутумун бир кылым мурун легендарлуу британиялык инженер сэр Артур Коттон салган.