Иранда Махса Аминин өлүмүнө байланыштуу нааразылык акциясынын 12-түнү өттү. Коопсуздук күчтөрүнүн репрессиясына карабай жүздөгөн адамдар шаарлардын көчөлөрүнө чыгышты. Жада калса үйдө калгандар да демонстранттарга кошулуп, батирлеринин терезелеринен: “Диктаторго жана Ислам Республикасына өлүм” деп кыйкырып жатышты. Amnesty International укук коргоо уюмунун маалыматына караганда, 16-сентябрда башталган нааразылык акцияларында ондогон адамдар набыт болуп, жүздөгөн адамдар жараат алган.
«Биз жеринде чогулткан далилдер коопсуздук күчтөрүнүн ок чыгарып жатканын көрсөтүүдө. Алар демонстранттарды жана өтүп бара жаткандарды кууп жатышат. Жүздөгөн аялдар, балдар жана мырзалар жарадар болушту. Биз демонстранттардын башы менен үрөй учурган сүрөттөрүн көрдүк. Коопсуздук күчтөрү демонстранттарга жакын аралыктан ок атышат. Бул алардын адамдарга максималдуу зыян келтирүү ниетин көрсөтүп турат» — деди адам укуктары боюнча юрист Раха Бахрейни.
Махса Аминин каза болгону 16-сентябрда белгилүү болгон. Кыз Тегеранда полициянын диний жоолукту байлаганы боюнча дооматынан улам камакка алынган. Бийликтер Амини инфаркттан каза болгонун ырасташууда. Туугандары аны токмок жеп каза болгон деп болжошууда.
Биздин Телеграм каналга катталыңыз