Ири көлөмдө баңгизат алып бара жаткан адам кармалды. Бул тууралуу Ички иштер министрлигинин басма сөз кызматы билдирди.
Маалыматка ылайык, 25-январда саат 03:00 чамасында милиция кызматкерлери баңгизат сатууга шектелген 47 жаштагы О.С. аттуу адамды кармап текшеришкен. Натыйжада анын жанынан 3 кг 090 гр. салмактагы героин баңгизаты табылган.
Ошондой эле бул адамдын үйүн тинткен учурда 950 грамм салмактагы “гашиш” баңгизаты табылган.
Шектүү убактылуу кармоочу жайга киргизилип, сотко чейинки өндүрүш башталган.
