Жогорку Кеңештин депутаты Исхак Пирматов мандатын тапшыруу үчүн арызын жазды. Бул тууралуу Борбордук шайлоо комиссиясынын басма сөз кызматынан кабарлашты.
Исхак Пирматов мандатын өз каалоосу менен тапшырат. Анын арызы БШКнын бүгүнкү жыйынында каралмакчы.
Анын ордуна мурдагы айыл чарба министри Нурбек Мурашев келет.
Белгилей кетсек, Исхак Пирматов Жогорку Кеңешке 2015-жылы «Бир Бол» партиясы менен келген.