Базардагы айрым соодагерлер 2015-жылдагы жана 2017-жылдагы салыктарын төлөп жатышат. Бул тууралуу Жогорку Кеңештин укук-тартип боюнча комитетинин жыйынында депутат Шайлообек Атазов билдирди.
Анын айтымында, ишкерлер эски салыктарын төлөөдө жеңилдиктерди сурап жатышат.
“Алар 10 миллион төлөйлү десе болбой 60 миллион талап кылып жатыптыр”, — деди Шайлообек Атазов.
Мамлекеттик салык кызматынын төрагасы Алтынбек Абдувапов маселе “Мадина” базарынын соодагерлерине байланыштуу экенин айтты.
“Аталган базардын соодагерлерине кошумча төлөмдөр боюнча УКМКнын 2020-жылдагы токтому бар. Айрым ишкерлер чет өлкөдө болуп төлөбөй калышкан. Ошолор төлөп жатат. Алар көбүнчө кытайлык соодагерлер”, — деди Алтынбек Абдувапов.
Биздин Телеграм каналга катталыңыз