Жогорку Кеңештин мурдагы депутаты Исках Пирматов Кумтөр боюнча күнөөлү деп табылды. Мындай чечимди Бишкек шаарынын Биринчи май райондук соту чыгарганын аталган мекеменин басма-сөз кызматы билдирди.
Маалыматка караганда, 9-сентябрь күнү райондук сот Жазык кодексинин 319-беренесинин 2-бөлүгү менен күнөөлүү деп таап, ага карата 3000 эсептик көрсөткүч, тактап айтканда мамлекеттин пайдасына 300 миң сом өлчөмүндөгү айып салуу түрүндөгү жаза берилген.
Экс-депутат УКМК тарабынан Кумтөр ишиндеги жемкорлукка шектелип кармалып, кайрадан бошотулган болчу. 2015-жылы Жогорку Кеңешке келген Исхак Пирматов мандатын 28-майда өз каалоосу менен мандатын тапшырып берген эле.