Бишкекте кафелердин биринен акча уурдаган шектүү кармалды. Бул тууралуу Ленин райондук милициясынан билдиришти.
Маалыматка караганда, былтыр 23-октябрга караган түнү болжол менен саат 00:30да белгисиз адам Киев менен Бейшеналиева көчөлөрүнүн кесилишиндеги кафенин кассасынан 80 миң сом уурдап кеткен. Бул боюнча кафенин ээси милицияга арыз менен кайрылган.
Аталган фактыга байланыштуу Кылмыш-жаза кодексинин 205-беренеси (уурдоо) боюнча кылмыш иши козголгон.
Ыкчам-тергөө иштеринин натыйжасында шектүү катары 31 жаштагы О.Т. аттуу жаран кармалган. Ал убактылуу кармоочу жайга камакка алынган.
Учурда иликтөө иштери уланууда.